माता सीता के जनक की पुत्री होने के कारण वैदेही, जनकनन्दिनी, जनकात्मजा आदि अनेकों नाम हैं और इनमें से एक नाम जानकी भी है। माता सीता के अनेकों स्तोत्र जानकी नाम से भी हैं जिनमें से कुछ मुख्य हैं जानकी स्तोत्र, जानकी द्वादशनाम स्तोत्र, जानकी जीवनाष्टक आदि। यहां ये सभी जानकी स्तोत्र (janaki stotra) संस्कृत में दिये गये हैं।
जानकी स्तोत्र – janaki stotra
नीलनीरज-दलायतेक्षणां लक्ष्मणाग्रज भुजावलम्बिनीम् ।
शुद्धिमिद्धदहने प्रदित्सतीं भावये मनसि रामवल्लभाम् ॥१॥
रामपाद-विनिवेशितेक्षणामङ्ग-कान्तिपरिभूत-हाटकाम् ।
ताटकारिपरुषोक्तिविक्लवां भावये मनसि रामवल्लभाम्॥२॥
कुन्तलाकुल-कपोलमाननं, राहुवक्रग-सुधाकरद्युतिम् ।
वाससा पिदधतीं हियाकुलां भावये मनसि रामवल्लभाम्॥३॥
कायवाङ्मनसगं यदि व्यधां स्वप्नजागृतिषु राघवेतरम् ।
तद्दहाङ्गमिति पावकं यती भावये मनसि रामवल्लभाम् ॥४॥
इन्द्ररुद्र-धनदाम्बुपालकैः सद्विमान-गणमास्थितैर्दिवि ।
पुष्पवर्ष-मनुसंस्तुताङ्घकिं भावये मनसि रामवल्लभाम् ॥५॥
सञ्चयैर्दिविषदां विमानगैर्विस्मयाकुल-मनोऽभिवीक्षिताम् ।
तेजसा पिदधतीं सदा दिशो भावये मनसि रामवल्लभाम् ॥६॥
॥ इति जानकीस्तोत्रं सम्पूर्णम् ॥
श्री जानकी द्वादशनाम स्तोत्रं
विनियोग : ॐ अस्य श्रीजानकीद्वादशनामस्तोत्रमन्त्रस्य नारदऋषिः अनुष्टुप् छन्दः त्रिगुणात्मिक शक्तिः श्रीजानकी देवता श्रीसीताप्रीत्यर्थे जपे विनियोगः ॥
॥ अथ ध्यानम् ॥
ध्यायेच्चम्पकगौङ्गीं हेमाभां नीलवस्त्रकाम् ॥
दिव्यकल्पोज्वलाङ्गी च रामवामस्थितां मुदा ।
रत्नसिंहासनगतां सर्वाभरणभूषिताम् ॥
सर्वालङ्कारसंयुक्तवीणावादनतत्पराम् ।
ध्यायेत् सीतां हृदिगतां दिव्यस्त्रीगणसेविताम् ॥
नमामि जनकनन्दिनी अजादिदेववन्दिनी ।
सदासुसन्तरञ्जिनी पिशाचगर्वगञ्जिनि ॥१॥
मुनीन्द्रवासरागिणी, श्रीरामवामभागिनी ।
सुबुद्धिदाप्रमोदिनी श्रीकोशलाविनोदिनी ॥२॥
गुणादिवेदगायिनी सुभक्तसुखदायिनी ।
अनन्तदुःखमोचिनी नमोऽस्तु विश्वलोचनी ॥३॥
पुनीत नाम द्वादशं पठन्तित्यक्त आलसम् ।
प्रसन्नसर्वदेवकं वदन्ति रामसेवकम् ॥४॥
॥ इति श्रीजानकीद्वादशनामस्तोत्रं सम्पूर्णम् ॥
श्री जानकी जीवनाष्टकं
आलोक्य यस्यातिललामलीलां सद्भाग्यभाजौ पितरौ कृतार्थी ।
तमर्भकं दर्पकदर्पचौरं श्रीजानकीजीवनमानतोऽस्मि ॥१॥
श्रुत्वैव यो भूपतिमात्तवाचं वनं गतस्तेन न नोदितोऽपि ।
तं लीलयाह्लादविषादशून्यं श्रीजानकीजीवनमानतोऽस्मि ॥२॥
जटायुषो दीनदशां विलोक्य प्रियावियोगप्रभवं च शोकम् ।
यो वै विसस्मारतमार्द्रचित्तं श्रीजानकीजीवनमानतोऽस्मि ॥३॥
यो वालिना ध्वस्तबलं सुकण्ठं न्ययोजयद्राजपदे कपीनाम् ।
तं स्वीयसन्तापसुतप्तचित्तं श्रीजानकीजीवनमानतोऽस्मि ॥४॥
यद्ध्याननिर्धूतवियोगवह्निर्विदेहबाला विबुधारिवन्याम् ।
प्राणान्दधे प्राणमयं प्रभुं तं श्रीजानकीजीवनमानतोऽस्मि ॥५॥
यस्यातिवीर्याम्बुधिवीचिराजौ वंश्यैरहो वैश्रवणो विलीनः ।
तं वैरिविध्वंसनशीललीलं श्रीजानकीजीवनमानतोऽस्मि ॥६॥
यद्रूपराकेशमयूखमालानुरञ्जिता राजरमापि रेजे ।
तं राघवेन्द्रं विबुधेन्द्रवन्द्यं श्रीजानकीजीवनमानतोऽस्मि ॥७॥
एवं कृता येन विचित्रलीला मायामनुष्येण नृपच्छलेन ।
तं वै मरालं मुनिमानसानां श्रीजानकीजीवनमानतोऽस्मि ॥८॥
॥ इति श्रीजानकीजीवनाष्टकं सम्पूर्णम् ॥
श्री मैथिली द्वादशनाम स्तोत्रम्
मैथिली जानकी सीता वैदेही जनकात्मजा ।
कृपापीयूष जलधिः प्रियार्हा रामवल्लभा ॥१॥
सुनयना सुता वीर्यशुक्लाऽयोनी रसोद्भवा ।
द्वादशैतानि नामानि वाञ्छितार्थ प्रदान हि ॥२॥
॥ इति श्रीजानकीचरित्रामृते नवयोगेश्वरप्रोक्तं श्रीमैथिलीद्वादशनामस्तोत्रम् ॥
कर्मकांड विधि में शास्त्रोक्त प्रमाणों के साथ प्रामाणिक चर्चा की जाती है एवं कई महत्वपूर्ण विषयों की चर्चा पूर्व भी की जा चुकी है। तथापि सनातनद्रोही उचित तथ्य को जनसामान्य तक पहुंचने में अवरोध उत्पन्न करते हैं। एक बड़ा वैश्विक समूह है जो सनातन विरोध की बातों को प्रचारित करता है। गूगल भी उसी समूह का सहयोग करते पाया जा रहा है अतः जनसामान्य तक उचित बातों को जनसामान्य ही पहुंचा सकता है इसके लिये आपको भी अधिकतम लोगों से साझा करने की आवश्यकता है।
